📍 Кызыл-Тоо, Ак-Кыя, Зергер, Кутурган жана Ничке-Сай айылдары
📅 2025-жылдын июнь айы
Айыл чарба иштеринин кызыган учурунда, дыйкандардын үлүш жерлерине жана чөп чабындуу аянттарга жетүүчү талаа жолдор кайрадан оңдолуп, жаңыртылды.
Соңку жылдардагы суу ташкындарынын кесепетинен жараксыз абалга келген жана автоунаалар үчүн өтүүгө ыңгайсыз болуп калган бул жол тилкелери атайын техниканын жардамы менен толугу менен калыбына келтирилди.
👉 Оңдоо иштеринин негизги максаты — жергиликтүү дыйкандардын айыл чарба иштерин өз убагында жана үзгүлтүксүз жүргүзүүсүнө шарт түзүү, ошондой эле аймактагы транспорт каттамын жакшыртуу болуп саналат.
Бул иштер айыл өкмөтүнүн башчысы У.Р.Джеенбаевдин жеке көзөмөлүндө аткарылып, калктын социалдык-экономикалык турмушуна оң таасир бериши күтүлүүдө.
У.Р.Джеенбаев:
“Жолдорду оңдоо иштерин мындан ары да улантып, айыл тургундарынын сунуштарын эске алып иш жүргүзөбүз.”
Айыл өкмөтүнүн маалыматына ылайык, бул өңдүү иштер жергиликтүү тургундардын муктаждыктарына жараша этап-этабы менен жүргүзүлүп, дагы башка жол тилкелери да оңдолот.
