Долбоор тууралуу маалымат:

Исхак-Полотхан айыл аймагында жол-транспорттук инфраструктураны жакшыртуу максатында Таш-Дөбө – Ынтымак айланма жолун капиталдык оңдоо жана асфальттоо долбоору ишке ашырылууда.

Долбоордун алкагында жалпы узундугу 6,3 чакырым болгон жол тилкесине асфальт-бетон жабуусу төшөлүп жатат. Жол куруу иштери аймактагы ички транспорттук байланышты жакшыртууга, калктын коопсуз жана ыңгайлуу каттамын камсыздоого, ошондой эле социалдык жана экономикалык өнүгүүгө өбөлгө түзүүгө багытталган.

Жолдун пайдаланууга берилиши менен жергиликтүү тургундардын жол жүрүү шарттары кыйла жакшырып, транспорт каражаттарынын кыймылы үчүн ыңгайлуу шарттар түзүлөт. Мындан сырткары айылдардын ортосундагы байланыш бекемделип, жүк жана жүргүнчү ташуу кызматтарынын сапаты жогорулайт.

Долбоор аймактагы жол тармагын өнүктүрүүгө багытталган мамлекеттик программалардын алкагында ишке ашырылып жатат.

Каржылоо булагы: Республикалык бюджет

Жолдун узундугу: 6,3 чакырым

Долбоордун максаты: Аймактын жол инфраструктурасын жакшыртуу жана коопсуз транспорттук каттамды камсыз кылуу.

Долбоор аяктагандан кийин Таш-Дөбө жана Ынтымак айылдарынын жашоочулары үчүн заманбап жана сапаттуу жол пайдаланууга берилет.