1-июнь – Эл аралык балдарды коргоо күнүнө карата Исхак-Полотхан айыл аймагында жарым жетим, тоголок жетим жана аз камсыз болгон үй-бүлөлөрдөн чыккан балдар үчүн майрамдык иш-чара уюштурулду.

Иш-чаранын негизги максаты – коомдун өзгөчө көңүл буруусуна муктаж болгон балдарды колдоо, аларга майрамдык маанай тартуулоо жана камкордук менен мээримди сездирүү болду.

Майрамдык иш-чаранын алкагында балдар үчүн кызыктуу оюн-зоок программалары, чыгармачылык сынактар жана ар кандай көңүл ачуучу иш-чаралар уюштурулду. Балдар өз таланттарын көрсөтүп, достору менен бирге көңүлдүү убакыт өткөрүштү.

Ошондой эле ар бир балага таттуу белектер, окуу куралдары жана белек топтомдору тапшырылып, майрамдык дасторкон уюштурулду. Ыктыярчылар жана уюштуруучулар балдар менен баарлашып, аларга жагымдуу маанай тартуулашты.

Бул иш-чара балдардын жүзүнө кубаныч тартуулап гана тим болбостон, алардын өзүнө болгон ишенимин арттырып, коом тарабынан колдоого алынарын дагы бир жолу көрсөттү.

Балдар – мамлекетибиздин жана коомубуздун келечеги. Алардын бактылуу балалыгы, сапаттуу билим алышы жана коопсуз чөйрөдө өсүшү ар бирибиз үчүн маанилүү милдет болуп саналат.

Исхак-Полотхан айыл өкмөтү мындан ары да балдарды колдоого багытталган социалдык жана кайрымдуулук иш-чараларын уюштурууну улантат.

Балдардын күлкүсү – биздин эң чоң байлыгыбыз!