Урматтуу Исхак-Полотхан айыл аймагынын тургундары!

Жаз мезгили – дыйканчылык иштеринин эң жооптуу жана маанилүү мезгили болуп саналат. Мол түшүм алуу, айдоо аянттарын өз убагында сугаруу жана сугат суу тартыштыгын алдын алуу ар бирибиздин жалпы милдетибиз.

Ушуга байланыштуу айыл аймагында ички арыктарды, суу өткөрүүчү каналдарды тазалоо жана оңдоо иштери жүргүзүлүп жатат. Бул иштер суунун үзгүлтүксүз агышын камсыздап, айыл чарба жерлерин сугаруунун натыйжалуулугун жогорулатууга багытталган.

👉 Урматтуу тургундар жана жер үлүштөрүнүн ээлери!

Өзүңүздөрдүн аймактарыңыздардагы арыктарды тазалоого, суу жолдорун иретке келтирүүгө жана өткөрүлүп жаткан иш-чараларга активдүү катышууга чакырабыз.

Ар бир тазаланган арык – суунун эркин агышына шарт түзөт. Ар бир кошкон салым – келечектеги мол түшүмгө өбөлгө болот.

Биримдик жана жоопкерчилик менен жасалган эмгек гана жакшы натыйжа берет. Айылыбыздын өнүгүшү жана дыйкандарыбыздын берекелүү түшүм алышы үчүн жалпыбыз биргеликте аракет кылалы!

Биргелешип жасалган иштер – мол түшүмдүн жана айылдын өнүгүүсүнүн кепилдиги!

Урматтоо менен,
Исхак-Полотхан айыл өкмөтү